دەرزی بۆتۆکس

دەرزی بۆتۆکس وەک شتێکی ئاسان و چارەسەرێکی سیحراوی بۆ گەڕاندنەوەی کات و لابردنی چرچی و شۆڕبوونەوەی پێست دەردەکەوێت، بەڵام گرنگترین شت ئەوه‌یە چارەسەرێکی باش و سەلامەت پێشکەشی ئەو کەسانە دەکات کە لە نیشانەکانی چوونه‌ناو تەمەن دەترسن و خەمی کاریگەرییەکانیانە.

دەرزی فیللەر

فیللەر ماددەیەکە بۆ پڕکردنەوەی ژێر پێست بەکاردەهێنرێت، و بۆ دوو ئامانجی سەرەکی بەکاردەهێنرێت، ئامانجی یەکەم شاردەنەوەی چرچی جێی برینە، چرچی پێست تەنها کەمی کۆلاجینی ژێر پێستە و بەو هۆیەوە بۆشایی لە ژێر پێستدا دروستدەبێت و دەبێتەهۆی درووستبوونی چرچی، و فیللەر لەم کەیسەدا بۆ پڕکردنەوەی ئەو بۆشاییە بەکاردەهێنرێت و بەو شێوەیە چرچییەکان دیارنامێنن.

ئامانجی دووەم ئاوساندن و گەورەکردنە. زۆربەی کچان دەناڵێنن بەدەست ڕوومەتی چاڵ، لێوی تەنک، روخسارى لاواز یان کێشەی ترەوە کە لە گه‌نجیدا دەردەکەوێت پێش دەرکەوتنی چرچییەکان، لە هەردوو کەیسەکەدا فیللەر چارەسەرێکی خێرا و سیحراوییە بۆ نەهێشتنی ئەم دوو کێشەیە.

نەشتەرگەری (Evisceration)ی چاو

ئەم پڕۆسەیە بریتییە لە لابردنی بەشەکانی ناوەوەی چاو و هێشتنه‌وه‌ی ته‌نها توێكڵه‌ ره‌قه‌كه‌ی و ماسولکە ساغه‌كانی دەرەوەی چاو وەک خۆی. ئەم نەشتەرگەرییە بە مەبه‌ستی کەمکردنەوەی ئازار و جوانترکردنی چاوە زیانلێکەوتووەکە ئه‌نجامده‌درێت لە دۆخەکانی وەک هه‌وكردنی ناوه‌وه‌ی (endophthalmitis) کە وەڵامی چارەسەری دژەبەکتریا ناداتەوە. دەکرێت چاوێکی دەستکرد لە شوێنەکەدا بچێنرێت بۆ جوانترکردنی دیمەنی چاوەکە.